Жамбыл облыстық сотыДс, 11/09/2017 - 18:33
Баспаға арналған нұсқасы
Хат жолдау
Мойықұм аудандық соты азамат А.-ға қатысты ҚР ҚК-нің 346 бабы 1 бөлігі (Көлік құралдарын басқару құқығынан айырылған, алкогольдік, мас күйдегі адамның көлік құралын басқаруы) бойынша қылмыстық ісін қарады.
Іс материалдары бойынша, 23 наурыз 2016 жылы сағат 04:15 шамасында, сотталушы А. Мойынқұм ауданы, Мойынқұм ауылы, Амангелді көшесінің бойында спирттік ішімдік ішіп алып, мас күйінде автокөлікті басқарып кетіп бара жатқан жерінен полиция қызметкерлеріне ұсталған.
Бұрын азамат А. автокөлікті мас күйінде басқарғаны үшін, көлік жүргізу құқығынан Жамбыл облысы Шу аудандық сотымен 5 жыл мерзімге айырылған, бірақ алдыңғы іс-әрекеттерінен тиісті нәтиже шығармаған.
Сот отырысында, сотталушы А. кінәсін толық мойындап, аталған іс әрекетіне өкінетіндігін айтты.
Сот үкімімен, сотталушы А. ҚР ҚК-нің 346-бабы 1 бөлігімен кінәлі деп танылып, көлік құралдарын жүргізу құқығынан 3 жылға айыра отырып, 300 сағат қоғамдық жұмыстарға тарту жазасы тағайындалды.
Үкім заңды күшіне енген жоқ.
Қайнар: Мойынқұм аудандық сотының баспасөз қызметі
