Жамбыл облыстық сотыжм, 12/05/2017 - 17:06
Баспаға арналған нұсқасы
Хат жолдау
Тараз қаласының мамандандырылған әкімшілік сотында Қазақстан Республикасының әкімшілік құқық бұзушылық туралы Кодексінің (ары қарай ҚР ӘҚБтК) 652-бабының 1-бөлігімен көзделген құқық бұзушылық бойынша азамат Ш-ға қатысты әкімшілік құқық бұзушылық туралы іс қаралды.
19.04.2017 жылы сағат 08:40 шамасында Тараз қаласының бір әскери бөлімінің жедел қызметінің әскери қызметкері қатардағы Ш. таңғы физикалық жаттығу өткізілгеннен кейін, ротаның жеке құрамының жуыну уақытысында жедел қызметінің әскери қызметкері қатардағы О-ны боқауыз сөз айтып, қорлаған.
Өзінің іс-әрекетімен, құқық бұзушы Ш. ҚР ӘҚБтК-нің 652-бабының 1-бөлігінде көзделген құқық бұзушылықты жасаған, яғни әскери қызмет мiндеттерiн орындау кезінде немесе орындауға байланысты бiр әскери қызметшiнiң екiншiні қорлауы.
Істі қарау қорытындысы бойынша әскери қызметкер Ш. Қазақстан Республикасының ӘҚБтК-нің 652-бабының 1-бөлігінде көзделген әкімшілік құқық бұзушылық бойынша кінәлі деп табылып, оған әкімшілік жаза ретінде 3 (үш) тәулік мерзімге әкімшілік қамауға алу түріндегі әкімшілік жаза қолданылды.
Қаулы заңды күшіне енген жоқ.
Қайнар: Тараз қаласының мамандандырылған әкімшілік сотының баспасөз қызметі
