жм, 23/09/2016 - 16:51
Баспаға арналған нұсқасыХат жолдау
Іс құжаттарына сәйкес, А.Б.Рахманқұлова 24.07.2016 жылы, Тараз қаласы Әйтеке би көшесі бойында орналасқан «Ева» сұлулық салонынан, айна алдынан маркасы «iPhone - 6», ақ түсті, құны 400 000 теңге тұратын, жәбірленуші М.Д.Жаксигуловаға тиесілі ұялы телефонын көріп, ұрлық, яғни, бөтеннің мүлкін жасырын жымқыру ойы туындап, қылмыстық ойын ақырына дейін жеткізу мақсатында жан-жағына қарап, ешкімнің назар аудармай тұрғанын пайдаланып, аталған ұялы телефонды жасырын жымқырып, жәбірленуші М.Д.Жаксигуловаға 400 000 теңгеге материалдық шығын келтіріп, оқиға орнынан бой тасалаған.
Тараз қаласы №2 сотының 15.09.2016 жылғы үкімімен А.Б.Рахманқұлова Қазақстан Республикасы ҚК-нің 188-бабының 1-бөлігімен (Ұрлық) кінәлі деп танылып және оған осы бап бойынша дүние-мүлкін тәркілемей, 1 (бір) жыл мерзімге бас бостандығын шектеу жазасы тағайындалды, шектеу жазасының мерзімі ішінде пробациялық бақылау белгіленді.
Үкім заңды күшіне енген жоқ.
Қайнар: Тараз қаласы №2 сотының баспасөз қызметі