Жамбыл облыстық сотыБс, 20/07/2017 - 11:35
Баспаға арналған нұсқасы
Хат жолдау
Тараз қаласының мамандандырылған әкімшілік сотында Қазақстан Республикасының әкімшілік құқық бұзушылық туралы Кодексінің (ары қарай мәтін бойынша ҚР ӘҚБтК) 73-2 бабының 1-бөлігімен көзделген құқық бұзушылық бойынша азаматша М-ға қатысты әкімшілік құқық бұзушылық туралы іс қаралды.
Іс-құжаттарымен анықталғаны, М. 14 шілде 2017 жылы сағат 13:00 шамасында Тараз қаласы, Добровольский көшесіндегі үйдің ауласында қайынсіңлісі Т-ға қатысты тән ауруына ұшыратқан күш қолдану әрекетін жасаған.
Өзінің іс-әрекетімен, құқық бұзушы М. ҚР ӘҚБтК-нің 73-2 бабының 1-бөлігінде көзделген құқық бұзушылықты жасаған, яғни тән ауруына ұшыратқан, бiрақ денсаулыққа жеңіл зиян келтiруге әкеп соқпаған ұрып-соғу немесе өзге де күш қолдану әрекеттерiн жасау.
Істі қарау барысында, М. жасаған іс-әрекеттен өкініш білдірген, өз кінәсін мойындап, Т-дан кешірім сұраған. Т. құқық бұзушыға кешірім жасап, іс өндірісін тоқтатуды сұраған
Сот қаулысымен тараптар өзара татуласуына байланысты әкімшілік іс өндірісімен тоқтатылды.
Сот қаулысы заңды күшіне енген жоқ.
Қайнар: Тараз қаласының мамандандырылған әкімшілік сотының баспасөз қызметі
