Бс, 20/07/2017 - 10:11
Баспаға арналған нұсқасыХат жолдау
Жамбыл облысы Талас аудандық сотында судья Б.Ә.Жармұхамбетов Талас аудандық сотының кеңсе меңгерушісі А.Қалабаевтың, Талас ауданы прокуратурасының прокуроры М.Темиржановтың, Талас ауданы әкімі аппаратының мемлекеттік-құқықтық жұмыс бөлімшесінің бас маманы А.Майкенованың, Талас аудандық ІІБ-нің қызметкері Ә.Панаттың қатысуларымен «Сыбайлас жемқорлықтың алдын алудағы нақты әрекеттер» тақырыбында дөңгелек үстел өткізді.
Б.Жармұхамбетов өз баяндамасында 2015-2025 жылдарға арналған сыбайлас жемқорлыққа қарсы бағдарламаның негізгі бағыттары бойынша айтып өтті. Қазақстан Республикасының «Сыбайлас жемқорлыққа қарсы іс-қимыл туралы» Заңы азаматтардың құқықтары мен бостандықтарын қорғауға, сыбайлас жемқорлық көрiнiстерiнен туындайтын қауiп - қатерден Қазақстан Республикасының ұлттық қауiпсiздiгiн қамтамасыз етуге, мемлекеттiк мiндеттердi атқаратын лауазымды және басқа да адамдардың мемлекеттiк органдардың тиімді қызметін қамтамасыз етуге бағытталғандығын атап өтті.
Сондай-ақ Б.Жармұхамбетов мемлекеттік органдардың әр қызметкерлері қызметерін реттейтін барлық заңнамасы мен нормативті құқықтық актілердің талаптарын орындап қана қоймай, сондай-ақ, құқық бұзушылықты болдырмау мақсатында қажетті шаралар өздігінен қабылдау керектігін атап өтті.
Іс-шара соңында қатысушылар өзара пікір алмасып, соттағы жемқорлық фактілерін алдын алу бойынша ұсыныстарымен бөлісті.
Қайнар: Талас аудандық сотының баспасөз қызметі