1560

Қазақстан Республикасының «Неке (ерлі-зайыптылық) және отбасы туралы» 2011 жылғы 26 желтоқсандағы № 518-ІV Кодексінің 138-бабының 2-тармағына сай егер ата-аналар өздерінің кәмелетке толмаған балаларына, сондай-ақ жалпы орта, техникалық және кәсiптiк, орта бiлiмнен кейiнгi бiлiм беру жүйесінде, күндізгі оқу нысаны бойынша жоғары бiлiм беру жүйесiнде оқитын жиырма бір жасқа дейінгі кәмелетке толған балаларына күтіп-бағу қаражатын ерікті түрде бермеген жағдайда, бұл қаражат олардан сот тәртібімен өндіріп алынады. Қазақстан Республикасының Азаматтық процестік кодексінің 135- бабына сай сот бұйрығы әке (ана) болудың анықталуына немесе үшінші тұлғаларды тарту қажеттігіне байланысты емес кәмелетке толмаған балаларды бағып-күтуге арналған алименттерді өндіріп алу туралы шығарылады. Осылайша, өндіріп алушының арызы негізінде борышкерден алиментті өндіру бірден сотта қаралады. Ал борышкердің алимент төлеуден жалтаруы фактісі бойынша оны жеке айыптау тәртібі бойынша жауапкершілікке тарту арыз берушінің арызы негізінде заңда көрсетілген тәртіппен жүзеге асырылады.