Бс, 27/07/2017 - 09:54
Баспаға арналған нұсқасыХат жолдау
Жамбыл облысы бойынша қылмыстық істер жөніндегі мамандандырылған ауданаралық сотында Қазақстан Республикасы Қылмыстық Кодексінің (ары қарай мәтін бойынша ҚР ҚК-нің) 24-бабының 3-бөлігі - 99-бабының 1-бөлігімен (адам өлтіруге оқталу), айыпталып сотқа берілген П-ға қатысты қылмыстық істі қаралып аяқталды.
Істің құжаттарына сәйкес, П. 09.03.2017 жылы, сағат 20.00 шамасында, көршілерімен бірге Ф-ның пәтерінде спирттік ішімдігін ішкен. Ішімдік ішу барысында П. алкогольді мас күйінде Ф-ға көңіл білдірген.
Ф. П-ның ниетін қабыл алмаған соң, екеуінің арасында дау-жанжал туындаған. Дау-жанжал барысында П. тігін машинасын және газ плитасының үстіндегі сорпасы бар ыдысты жерге лақтырған. Осы жағдайға Ф. өкпелеп, темір табаны алып, П-ның басынан бірнеше рет ұрған.
Осы уақытта П-да алкогольді мас күйінде, жек көру салдарынан, Ф-ны құқыққа қарсы қасақана қазаға ұшырату ойы туындаған.
Қылмыстық ойын жүзеге асыру мақсатында П. ас үй пышағымен қаруланып, Ф-ның кеуде қуысының сол жақ тұсынан жарақат келтірген.
Осы кезде айқай-шуды естіп, Ф-ның күйеуі мен олардың танысы В. пәтерге жүгіріп келген.
В. Ф-ны өлтіруге бағытталған П-ның қылмыстық әрекетін көріп, аяғымен П-ның қолындағы пышақты қағып жіберген, осыған орай П. өзінің қылмыстық пиғылын оның еркіне байланысты емес мән-жай бойынша ақырына дейін жеткізілмеген.
Соттың үкімімен П. ҚР ҚК-нің 24-бабының 3-бөлігі - 99-бабының 1-бөлігімен кінәлі деп танылып, оған осы бап бойынша 8 (сегіз) жылға бас бостандығынан айыру жазасын қылмыстық-атқару жүйесінің қауіпсіздігі барынша жоғары мекемесінде өтеу тағайындалды.
ҚР ҚК-нің 91-бабының 1-бөлігінің 4-тармағына, 98-бабының 2-бөлігіне сәйкес, П-ға жазаны өтеу орнында алкоголизмнен мәжбүрлі түрде емдеу тағайындалды.
Сот үкімі заңды күшіне енген жоқ.
Қайнар: Жамбыл облысы бойынша қылмыстық істер жөніндегі мамандандырылған ауданаралық сотының баспасөз қызметі